Police Recruitment Scam: राज्यातल्या पोलीस भरतीत महाघोटाळा झाल्याचा गंभीर आरोप जालन्याचे काँग्रेसचे आमदार कैलास गोरंट्याल यांनी केला आहे. त्यांच्या या आरोपानंतर राजकीय वर्तुळात एकच खळबळ उडाली आहे.

पोलीस भरतीची फेर परीक्षा घ्या, अन्यथा उपोषणाला बसू असा इशारा गोरंट्याल यांनी राज्य सरकारला दिला आहे. एकेक विद्यार्थ्यांकडून दहा ते बारा लाख रुपये घेतले गेले असून यामध्ये मोठं रॅकेट काम करीत आहे, असा आरोप गोरंट्याल यांनी केलाय.

गोरंट्याल यांनी काय केले आरोप?

काँग्रेसचे आमदार कैलास गोरंट्याल म्हणाले आहेत की, 7 मेला जी पोलीस भरती झाली. त्यात काही लोकांकडून दहा ते बारा लाख रुपये घेऊन त्यांना पास करण्याचं काम केलं गेलं. यामागे मोठं रॅकेट आहे.  (Latest Marathi News)

ते म्हणाले, व्हॉट्सअप पेपर लीक झाले आहेत. या पोलीस भरतीत फार मोठी गडबड झाली आहे, असं ते म्हणाले आहेत.

दरम्यान, पोलीस भरतीची फेर परीक्षा घेण्यात यावी. असं न केल्यास गोरंट्याल यांनी उपोषणाला बसण्याचा इशारा सरकारला दिला आहे.