Solapur Crime News : मोहोळ, औसा, लातूर, सोलापूर, बीड, आंबेजोगाई, पुणे, पंढरपूर, इंदापूरसह कर्नाटकातून बाजारपेठ आणि गर्दीच्या ठिकाणावरून गाड्याचे लॉक तोडून चोरलेल्या गाड्यांची कमी किंमतीत मोहोळ परिसरात विक्री करणाऱ्या दोघांना मोहोळ पोलिसांनी पकडले आहे. या दोघांकडून १६ लाख २० हजार रूपये किमतीच्या वेगवेगळ्या कंपनीच्या २४ मोटारसायकली जप्त करण्यात आल्या आहेत. (Maharashtra News)

लातूर जिल्ह्यातील औश्यातून एक व्यक्ती चोरीच्या मोटारसायकली मोहोळमध्ये विक्री करण्याकरिता येत असल्याची माहिती मोहोळ पोलिसांना मिळाली होती. संशयित व्यक्तीस सापळा लावून ताब्यात घेऊन चौकशी केली असता त्याने त्याचे नाव पवनराज चव्हाण असे सांगितले.

विविध ठिकाणी मोटारसायकलची चोरी करून त्यातील काही मोटारसायकली मोहोळ (mohol) मधील मेकॅनिकल खुदबुद्दीन सय्यद (रा. धानोरे, ता. माढा) याच्याकडे विक्रीसाठी दिल्याचे त्याने सांगितले.

पोलिसांनी खुदबुद्दीन सय्यद याला देखील ताब्यात घेतले आहे. पोलिसांनी दोघांकडून २४ मोटारसायकली जप्त केल्या आहेत. दोन दिवसांच्या पोलिस कोठडीनंतर पुन्हा तीन दिवसांची पोलिस कोठडी वाढवून देण्यात आली आहे अशी माहिती विनोद घुगे (पोलीस निरीक्षक) यांनी दिली.

Edited By : Siddharth Latkar