- अमर घटारे

Paratwada : परतवाडा (paratwada) येथील आक्षेपार्ह घोषणा प्रकरणी आतापर्यंत दोघांना अटक केल्याची माहिती जिल्हा पोलिस अधीक्षक अविनाश बारगड यांनी दिली. दरम्यान परतवाडा येथील घटना कायदा व सुव्यवस्था बिघडविण्याचं काम असून हे सरकार उद्धव ठाकरेंचे नव्हे तर शिंदे - फडणवीसांचे सरकार आहे. त्यामुळे चुकीच्या गाेष्टींना थारा देणार नाही असे मत आमदार रवी राणा (ravi rana) यांनी व्यक्त केले. (Breaking Marathi News)

अमरावती जिल्ह्यातील अतिशय संवेदनशील परतवाडा येथे परवा ईद सणानिमित्त काढलेल्या जुलूसमध्ये पोलिसांसमोर "गुनाहे नबी की एक ही सजा सर तनसे जुदा" हा नारा लावण्यात आल्याने खळबळ उडाली. भाजप खासदार अनिल बोडे यांनी या घोषणाबाजीवर आक्षेपही घेतला आहे. (Amravati Latest Marathi News)

दरम्यान या प्रकरणी जिल्हा पोलीस अधीक्षक अविनाश बारगड यांनी दोन जणांना अटक केल्याची माहिती दिली. या प्रकरणातील अन्य संशयित आरोपींचा शोध सुरू असल्याचे बारगड यांनी नमूद केले. ते म्हणाले संशयितांना शोधण्यासाठी एक पथक नेमले आहे. (Maharashtra News)

या घटनेची सखोल चौकशी सुरु आहे. ईद-ए-मिलादच्या बँनरवर एका पोलीसाचा फोटो हाेता. या पोलीस कर्मचारीला मुख्यालयी अटॅच करण्यात आले आहे. त्याची चौकशी अचलपूर उपविभागीय पोलीस अधिकारी करत असल्याची माहिती एसपी बारगड यांनी दिली.

Edited By : Siddharth Latkar