- नवनीत तपाडिया

Aurangabad : जालन्यातील एकवीस वर्षीय युवतीचा औरंगाबाद शहरात खुन झाल्याची घटना आज उघडकीस आली आहे. शहरातील हडको कॉर्नर डिमार्ट जवळ एका खोलीत महिलेचा खून करून मृतदेह घेऊन जात असताना ग्रामीण पोलिसांनी नाकाबंदी करत युवकास ताब्यात घेतले आहे. प्रेम प्रकरणातून हा खून झाला असल्याचे बोलले जात आहे. (Aurangabad Latest Crime News)

अंकिता श्रीवास्तव असे मृत युवतीचे नाव असून सौरभ लाखे यास पाेलिसांनी ताब्यात घेतलं आहे. घटनास्थळावरुन तसेच पाेलिसांनी दिलेल्या माहितीनूसार अंकिता हिचे तीन वर्षांपूर्वी लग्न झाले होते. परंतु ती पतीपासून विभक्त राहत होती. औरंगाबाद शहरात ती स्पर्धा परीक्षेची तयारी करण्यासाठी राहत हाेती.

सौरभ हा पत्रकार आहे. ताे एका स्थानिक दैनिकात काम करताे. या घटनेनंतर त्याने संबंधित युवतीचा खून केल्याचा संदेश पत्रकार आणि पोलिसांच्या ग्रुपवर पाेस्ट केला. या घटनेमुळं हडकाे परिसरात एकच खळबळ उडाली.

Edited By : Siddharth Latkar