- सचिन बनसाेडे

Shirdi Crime News : शिर्डीचे DySP संदीप मिटके यांना गोपनीय बातमीदारा मार्फत मिळालेल्या माहितीनंतर पाेलिसांनी शिर्डी येथील हेलिपॅड रोडवरील एका खोलीत छापा टाकला. या छाप्यात पाेलिसांना मोठ्या प्रमाणात गांजाचा साठा सापडला. या प्रकरणी पाेलिसांनी चांगदेव कोते यास अटक केली आहे अन्य तिघांचा शाेध सुरु आहे. (Maharashtra News)

शिर्डी (shirdi) पोलिसांनी एकूण 2 लाख 91 हजार 200 रुपये किमतीचा 20 किलो 800 ग्राम गांजा जप्त केला आहे. त्यासोबतच घटनास्थळावर वजन काटा, प्लास्टिकच्या पिशव्या, खाकी रंगाची चिकट टेप, कटर हे साहित्य देखील जप्त केले आहे.

घटनास्थळावरून पाेलिसांनी चांगदेव कोते यास ताब्यात घेतले असून दत्तात्रय बाबुराव करपे , अनिता दत्तात्रय करपे, शुभम दत्तात्रय करपे या तिघांचा शाेध पाेलिस घेताहेत. या संशयितांविरुद्ध एनडीपीएस कायदा कलम 20 ब नुसार गुन्हा दाखल करण्यात आला आहे.

ही कारवाई राकेश ओला (पोलीस अधीक्षक, नगर) , स्वाती भोर (अप्पर पोलीस अधीक्षक, श्रीरामपूर) यांच्या मार्गदर्शनाखाली संदीप मिटके (डीवायएसपी), पीआय नंदकुमार दुधाळ, एपीआय प्रवीण दातरे, पोलीस कॉन्स्टेबल बिरदवडे , गोंधे, भारमल , गोलवड यांच्या (police) पथकाने केली.

Edited By : Siddharth Latkar