पिंपरी चिंचवड : राज्यात महाविकास आघाडीची सत्ता येणार आणि महाविकास आघाडीच्या मुख्यमंत्री होणार. या विधानसभा निवडणुकीत महाविकास आघाडीला सध्या राज्यात १६० ते १६५ उमेदवार निवडून येत आहेत; असा दावा शिवसेने उद्धव ठाकरे गटाचे खासदार संजय राऊत यांनी केला आहे.

संजय राऊत (Sanjay Raut) हे आज पुणे- पिंपरी चिंचवड शहर दौऱ्यावर आहेत. या दरम्यान त्यांनी चिंचवड विधानसभा क्षेत्राचे महाविकास आघाडीचे उमेदवार राहुल कलाटे यांच्या कार्यालयाला भेट दिली आहे. यावेळी त्यांनी माध्यमांशी संवाद साधताना विधानसभा निवडणुकीच्या निकालाबाबत वक्तव्य केले आहे. मात्र विधानसभा निवडणुकीत सध्या जोरदार प्रचार सुरु असून निकालाबाबत महाविकास आघाडी (Mahavikas Aaghadi) व महायुतीकडून दावा केला जात आहे. याच दरम्यान संजय राऊत यांनी मविआचा विजय याबाबत दावा केला आहे.  

चिंचवाडमध्येही विजय निश्चित 

राहुल कलाटे हे यापूर्वी अपक्ष उमेदवार म्हणून निवडणुकीला थांबले होते. मात्र या वेळी ते पक्षाचे राष्ट्रवादी काँग्रेस शरद पवार गटाचे अधिकृत उमेदवार असल्याने चिंचवड विधानसभा निवडणुकीत त्यांचा विजय निश्चित आहे; असा विश्वास संजय राऊत यांनी व्यक्त केला आहे.