पिंपरी चिंचवड : पिंपरी विधानसभा निवडणुकीत महायुतीचे उमेदवार अण्णा बनसोडे यांना आज जवळपास २० बंडखोर नगरसेवकांनी पाठिंबा दिला आहे. यामध्ये विधानसभा निवडणुकीत बंडखोरी करणाऱ्या तीन उमेदवारावांचा देखील समावेश आहे. 

पिंपरी (Pimpri Chinchwad) विधानसभा क्षेत्रात अण्णा बनसोडे यांना पुन्हा उमेदवारी देण्यात येऊ नये यासाठी त्यांच्याच पक्षातील आणि महायुतीतील इतर पक्षातील जवळपास २० नगरसेवकांनी शपथ घेऊन अण्णा बनसोडे यांना आपला प्रखर विरोध दर्शविला होता. त्या २० नगरसेवकांपैकी तिन बंडखोर नगरसेवकांनी निवडणुकीच्या रिंगणात (Vidhan Sabha Election) आपला उमेदवारी अर्ज देखील दाखल केला होता. मात्र नामांकन मागे घेण्याच्या अगदी शेवटच्या दिवशी या तीन बंडखोर उमेदवारांनी आपल्या इतर १७ बंडखोर नगरसेवकांसोबत अण्णा बनसोडे यांना पाठिंबा दर्शविला आहे.  

पिंपरी विधानसभा मतदारसंघात महायुतीचे उमेदवार असलेले अण्णा बनसोडे यांना पाठींबा देणाऱ्या उमेदवारांमध्ये आरपीआयच्या चंद्रकांता सोनकांबळे, शिवसेना शिंदे गटाचे जितेंद्र जनावरे, अजित पवार गटाचे काळूरम पवार यांचा समावेश आहे. यातील आरपीआयच्या चंद्रकांत सोनकांबळे यांना महामंडळ देण्याचा शब्द उपमुख्यमंत्री अजित पवार आणि देवेंद्र फडणवीस यांनी दिला आहे.