पिंपरी चिंचवड : प्रेयसी दुसऱ्या मुलासोबत बोलत आहे. याचा राग मनात धरून प्रियकराने धक्कादायक कृत्य केल्याचे समोर आले आहे. मनात राग धरून आपल्या प्रेयसीच्या मित्राच्या अंगावर चारचाकी वाहन चालवून त्याला चिरडण्याचा प्रयत्न केला आहे. यात सदर तरुण गंभीर जखमी झाला आहे. 

पिंपरी चिंचवड (Pimpri Chinchwad) शहरात काल मध्यरात्रीच्या सुमारास यशवंतनगर येथील शंकर चौधरी चौक परिसरात ही धक्कादायक घटना घडली आहे. या घटनेमध्ये सदरील मुलगा हा गंभीर जखमी झाला असून त्याच्यावरती पिंपरी चिंचवड महापालिकेच्या वाय. सी. एम. रुग्णालयामध्ये उपचार सुरू आहेत. सुशील काळे असे अंगावर चारचाकी गाडी घालणाऱ्या माथेफिरू तरुणाचे नाव असून या (Crime News) अपघातात निलेश शिंदे हा तरुण गंभीर जखमी झाला आहे.  

पोलिसात गुन्हा दाखल 
आपली प्रेयसी निलेश शिंदे या तरुणासोबत बोलत उभी आहे. हे पाहून सुशीलला राग अनावर झाला. या रंगात सुशील काळेने चारचाकी गाडी निलेश शिंदे यांच्या अंगावर घालून त्याला चिरडून ठार मारण्याचा प्रयत्न केला आहे. या प्रकरणात (Pimpri Chinchwad Police) पिंपरी पोलिसांनी सुशील काळे यांच्या विरोधात खूनाचा प्रयत्न केल्या प्रकरणी गुन्हा दाखल केला आहे.