साम टीव्हीनं ऑपरेशन औषध बाजारमध्ये मेडिकल स्टोअरच्या नफेखोरीचा पर्दाफाश केला... मात्र त्यानंतर साम टीव्हीच्या हाती आणखी धक्कादायक माहिती आली... औषधांच्या माध्यमातून रुग्णांच्या खिशावर दरोडा टाकणाऱ्या रॅकेटचा मार्केटमध्ये सुळसुळाट आहे... औषध कंपन्या ते पांढऱ्या कपड्यातील काही दलाल डॉक्टर गोचिडासारखं रुग्णांचं रक्त शोषून घेतायत.... त्याची माहिती मिळाली... आणि खात्री करण्यासाठी डोलो आणि टेल्मा नावाच्या ओषधाच्या किंमती काय आहेत हे जाणून घेण्यासाठी साम टीव्ही मेडिकल स्टोरवर पोहोचल...त्यावेळी चक्रावून टाकणारं वास्तव समोर आलंय..
फक्त एकच नाही तर वेगवेगळ्या मेडिकलमध्ये साम टीव्हीचे प्रतिनिधी पोहोचले...
यानंतर साम टीव्हीनं थेट मेडिकल असोसिएशनच्या अध्यक्षांना गाठलं.... त्यावेळी त्यांनी डोलो गोळीचा प्रवासच उलगडून सांगितलाय..
खरं तर एखादी गोळी कंपनीत अवघ्या 40 पैशांमध्ये निर्माण होते... मात्र ती घेण्यासाठी रुग्णांना तब्बल 5 रुपयांपेक्षा जास्त पैसे मोजावे लागतात...
औषधांच्या किंमतीतून नफेखोरी
एक गोळी 30 ते 40 पैशांना तयार होते.... त्यानंतर कंपनी वाहतूक, मार्केटिंग आणि स्वतःच्या नफ्यासह सुपर स्टॉकिस्टला 1 रुपये 7 पैशांपर्यंत पोहोचते... त्यानंतर सुपर स्टॉकिस्ट आपला नफा बाजूला काढून ती गोळी होलसेलरला 1 रुपया 11 पैशांना विकतो... तर ही गोळी रिटेलरला 1 रुपया 20 पैशांपर्यंत मिळते... मात्र हीच गोळी रुग्णाकडे पोचेपर्यंत 5 रुपयांची होते...दुसरीकडे हा नफा आम्ही सरकारच्या नॅशनल फार्मास्यूटिकल प्रायसिंग अथॉरिटीच्या नियमानुसारच घेतो, असं मेडिकल असोसिएशनचं म्हणणं आहे... मेडिकल असोसिएशनचे पदाधिकारी मदन पाटील यांनी एनपीपीएनं ठरवून दिलेल्या नफ्याच्या टक्क्यांचं गणितच मांडलंय..
अवघ्या 40 पैशांमध्ये बनणारी गोळी 5 रुपयांना विकली जात असेल... आणि 3 IV कॅन्यूला ही 23 रुपयांना होलसेलमध्ये मिळणारी सीरिंज हॉस्पिटल अटॅच मेडिकलमध्ये एमआरपीच्या नावानं 173 रुपयांना सरकारच्या आशीर्वादानं विकली जात आहे... त्यामुळे या रॅकेटमागे एनपीपीएचे अधिकारी आणि औषध कंपन्यांची अभद्र युती आहे का? औषधांच्या उत्पादन किंमतीपासून विक्रीपर्यंत हजारो टक्के नफा कमावला जात असेल तर या नफ्याचे वाटेकरी सरकारी अधिकारीही आहेत का? असा प्रश्न निर्माण झालाय.... त्यामुळे प्रचंड नफेखोरी करणाऱ्या या रॅकेटला चाप लावण्यासाठी सरकारनेच किंमतीचं आणि नफ्याचंही ठोस धोरण ठरवण्याची गरज आहे.... नाहीतर रुग्णांच्या लुटीतून कंपन्या आणि दलाल असेच गब्बर होत राहतील.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.