Phaltan News : शेतात मेंढरे चरायला गेल्याने मेंढपाळांना मारहाण केल्याची घटना फलटण येथे नुकतीच घडली आहे. या प्रकरणी फलटण शहर पोलिस ठाण्यात गुन्हा दाखल झाला आहे. पाेलिस संशयितांचा शाेध घेताहेत. (Maharashtra News)

या घटनेबाबत पाेलिसांकडून मिळालेल्या माहितीनूसार धुळदेव (फलटण) या गावाच्या हद्दीत राहणारे काका लक्ष्मण विराट ठोंबरे, सोमनाथ साधू नरुटे, सुखदेव लक्ष्मण ठोंबरे, भाऊसाळा रामानुरूपे, दत्तात्रय रामा नरुटे, गणेश महादेव नरुटे (मुंडाळे, ता, बारामती) हे फलटण तालुक्यातील धुळदेव गावच्या हद्दीत असणाऱ्या कॅनाल वर मेंढरांना पाणी पाजून त्यांच्या पालाकडे निघाले हाेते. तेथे जात असताना जवळील शेतात मेंढ्या गेल्या.

तेथील एक पुरुष व एक महिलेने मेंढरांना दगडं मारली. तुमची काय असेल ती नुकसान भरपाई घ्या पण मेंढरांना मारू नका असे म्हटले. त्यानंतर संबंधितांनी फोन करुन आणखी तिघांना बोलवून घेतले. तेथेच सर्वांना दगडाने, काठीने मारहाण केली.

या घटनेत एक मेंढपाळ जखमी झाला आहे. याबाबत एक महिला व चार पुरुषांच्या विरोधात फलटण शहर पोलीस ठाण्यात गुन्हा दाखल झाला आहे.

Edited By : Siddharth Latkar