Ratnagiri News: उद्धव ठाकरे 6 मे रोजी म्हणजे उद्या बारसूमध्ये येणार आहेत. मुंबईतील वज्रमुठ सभेत उद्धव ठाकरे यांनी रत्नागिरी दौऱ्याची घोषणा केली होता. बारसू रिफायनरीचा वाद पेटलेला असताना उद्धव ठाकरे स्थानिकांची भेट घेणार आहेत.

मात्र आता सूत्रांकडून मिळत असलेल्या माहितीनुसार उद्धव ठाकरे यांच्या बारसूतील सभेला परवानगी पोलिसांनी नाकारली आहे. उद्धव ठाकरे गटाने रानतळे इथे सभेचे नियोजन केले होते. मात्र जिल्हा प्रशासनाने सभा घेण्याची परवानगी नाकारली असल्याची माहिती सूत्रांकडून मिळत आहे. उद्धव ठाकरे यांना बारसू गावातील रिफायनरी विरोधकांना भेटण्याची परवानगी देण्यात आली आहे. (Latest Marathi News)