उस्मानाबाद - तुळजापूर-लातूर मार्गावरून दारुचे बॉक्स घेऊन काेल्हापूरकडे निघालेल्या एका ट्रकमचा पहाटे अपघात (Accident) झाला. चालकाचे नियंत्रण सुटल्याने ट्रक तलावात उलटला. यानंतर, काही तरुणांनी जीव धोक्यात लावात उड्या मारत मद्याचे दारुचे बॉक्स लुटण्याचा प्रयन्त केला. कर्नाटकातील (Karnataka) हुमनाबाद येथून दारुचे बॉक्स घेऊन एक ट्रक कोल्हापूरच्या दिशेने निघाला होता. चालक अनिल महादेव हिंगमिरे व क्लीनर रमेश भारत खडपिडे हे दोघे ट्रक तुळजापूरमार्गे नेत असताना सोमवारी (१७ जानेवारी) पहाटे पाचुंदा तलावानजीक चालकाचे नियंत्रण सुटले. (Osmanabad Accident News)

हे देखील पहा -

प्रसंगावधान राखून चालक आणि क्लीनरने ट्रकमधून बाहेर उडी घेतली. मात्र हा ट्रक तलावात पडला. दारुचा ट्रक पलटी झाल्याची माहिती पसरताच काही तरुण तिथे जमले आणि तलावात उड्या टाकून काही बॉक्स बाहेर काढले. दारु पिशव्यात भरून तरुण घटनास्थळावरून पसार झाले. दरम्यान, यामध्ये नेमके किती किमतीची दारू होती , हे अद्याप कळू शकले नाही.

Edited By - Shivani Tichkule