आता बातमी रयत शिक्षण संस्थेच्या बैठकीतील एका किस्स्याची. साताऱ्यात रयत शिक्षण संस्थेच्या बैठकीनिमित्तानं अजित पवार आणि शरद पवार एकत्र आले होते. त्यावेळी तपशील शोधण्यासाठी काकांनी पुतण्याला मदत केली. पाहूया नेमकं काय घडलंय या रिपोर्टमधून.

ही दृश्ये बघा. सध्याच्या राजकारणातील बोलकी दृश्ये आहेत. साताऱ्यात रयत शिक्षण संस्थेच्या बैठकीमध्ये पवार काका-पुतणे अगदी आजूबाजूच्या खुर्चीवर बसलेले दिसून आले. दोन्ही नेत्यांनी या बैठकीत एकत्र निर्णयही घेतले. एव्हढंच नाहीतर शरद पवारांनी अजितदादांना कागदपत्रातील महत्वाचे तपशील शोधून देण्यासाठी मदत केली.

रयत शिक्षण संस्थेच्या बैठकीत संस्थेचं गेल्या वर्षीचं किती उत्पन्न होतं, याबाबत चर्चा सुरु असताना या बैठकीत अजित पवार यांना गेल्या वर्षाच्या उत्पन्नाची माहिती सदस्यांना देण्याची विनंती करण्यात आली. अजित पवार यांच्या हातामध्ये असलेल्या कागदपत्रांमध्ये त्याबाबतची तपशील होता. पण त्यांना तो मिळत नव्हता.

यावेळी शेजारी बसलेल्या शरद पवार यांनी त्यांना ते तपशील शोधून देण्यात मदत केली. शरद पवार यांनी यासाठी त्यांना कागदपत्रांवर बोट ठेवून मजकूर वाचायला सांगितला. यानंतर अजित पवार यांनी आकड्याचं वाचन केलं.

राष्ट्रवादी काँग्रेस पक्ष फुटीनंतर जेष्ठ नेते शरद पवार आणि उपमुख्यमंत्री अजित पवार यांच्यात राजकीयदृष्ट्या मोठी दरी निर्माण झाली. मात्र दोन्ही राष्ट्रवादी पुन्हा एकत्र येणार अशी चर्चा वारंवार होते असते. त्याला निमित्तही घडतंय. नुकतंच बीडमध्ये अजित पवार यांनी भरसभेत 'चुलत्याच्या कृपेने बरं चाललंय, असं विधान केल्यामुळं पुन्हा काका-पुतण्याच्या मनोमिलनाच्या चर्चा रंगली आहे.

अजित पवार यांचे धाटके चिरंजीव जय पवार यांचा साखरपुडा पार पडला. या कार्यक्रमात शरद पवार यांना गेटवरती घ्यायला अजित पवार गेले होते. लोकसभा निवडणुकीत अजित पवारांच्या पत्नी सुनेत्रा पवारांचा सुप्रिया सुळेंकडून पराभव. त्यानंतर विधानसभा निवडणुकीत अजिदादांविरोधात युगेंद्र पवारांचा पराभव. या राजकीय संघर्षामुळे पवार कुटुंबात मोठी दरी निर्माण झाली होती. मात्र अशा प्रसंगामुळे पवार काका-पुतण्यांच्या कुटुंबातील गोडवा वाढवणार का, हाच खरा प्रश्न आहे. आगामी काळात महाराष्ट्राच्या राजकारण काय बदल होणार का ? ते पाहणं महत्वाचं आहे.