गोंदिया : गोंदिया जिल्हामधील (Gondia District) आमगाव तालुक्यातील ठाणा येथील 30 वर्षीय विवाहित महिलेने आपल्या घरी पंख्याला गळफास घेऊन आत्महत्या केल्याची घटना घड़ली आहे. दिपा धर्मेंद्र मेहर वय 30 वर्ष असं मृतक विवाहितेचं नाव आहे. दिपा यांचा चार महिण्यापुर्वीच विवाह झाला होता आणि त्यांच्या अशा आत्महत्येन परिसरात खळबळ माजली आहे.

दीपाने आत्महत्या का केली याचे कारण अद्याप समजलं नाही. दिपाचे चार महिन्यांपूर्वी लग्न प्राध्यापक धर्मेंद्र मेहर यांच्याशी लग्न झाले होते. प्राध्यापक धर्मेंद्र मेहर यांच्या पूर्व पत्नी अंकिताचे कोरोनामुळे (Corona) निधन झाले होते, त्यांच्या मागे एक मुलगी आणि एक मुलगा आहे.

मुलांच्या संगोपन करण्यासाठी ऑक्टोबरमध्ये धर्मेंद्र यांनी दिपाशी दुसरे लग्न केले. त्यांच्या संसाराला जेमतेम चार महिने झाले असतांना दिपाने आत्महत्या का केली हे मात्र गूढ कायम आहे. याबाबत अधिक तपास आमगाव पोलीस करीत आहेत.

Edited By - Jagdish Patil