परभणी : परभणी जिल्ह्यातील पाथरी येथून एक धक्कादायक बातमी समोर आली आहे. माजी आमदार बाबाजानी दुर्राणी यांच्याकडून एकनाथ शिंदेंच्या शिवसेना पदाधिकाऱ्याला मारहाण करण्यात आली आहे. साई बाबा विकास आराखडा संदर्भात बैठक संपल्यानंतर ही मारहाण झाली असल्याचं समोर आलं आहे. माजी आमदार बाबाजानी दुर्राणी यांच्यासह ४ जणांवर गुन्हा दाखल करण्यात आला आहे. पाथरी तालुक्यात काही काळ तणावाचं वातावरण दिसून आलं होतं. शिवसेनेचे पदाधिकारी आलोक चौधरी यांच्या फिर्यादीवरून पाथरी पोलीस स्टेशनमध्ये गुन्हा दाखल करण्यात आला आहे.