परभणी : मराठा आरक्षण मिळविण्यासाठी मराठा समाज आंदोलन करताना काहीही करायला तयार आहे. (Parbhani) यात आता आरक्षण मिळेपर्यंत वीज बिल न भरण्याचा इशारा महावितरणला (Mahavitaran) दिला आहे. बिल भरण्याबाबत आलेल्या रिमायंडर फोन कॉलवर बोलताना हा इशारा दिला असून याचा ऑडिओ व्हायरल झाला आहे.

मराठा आरक्षणाची दाहकता दिवसेंदिवस वाढत चालली आहे. परभणी जिल्ह्यात रोज वेगवेगळी आंदोलने होताना दिसून येत आहेत. आतापर्यंत महावितरणने ग्राहकांना अनेक शॉक दिलेत, पण मराठा आरक्षणाचा (Maratha Aarkshan) शॉक महावितरणला बसत आहे. जिल्ह्यात महावितरणने थकीत बिलांची वसुली सुरू केली आहे. महावितरणची पथके घरोघरी जात बिल वसुली करत आहेत. बिल न भरलेल्या थकबाकीदारांची लाईट कट  करण्यापूर्वी पथकाकडून कॉल केले जात आहेत.  

फोन केला व मिळाला इशारा 

याच दरम्यान महावितरण (MSEDCL) अधिकाऱ्यांनी मराठा ग्राहक असलेल्या रवी मोगल यांना रीमायनडर फोन कॉल केला. यावेळी 'आम्ही आरक्षण मिळेपर्यंत कोणतेही बिले भरणार नाहीत व शासनाला तुम्ही कळवा.' असा इशारा रवी मोगल या दिला ग्राहकाने दिला आहे. ही ऑडियो क्लिप जिल्हाभरातील सोशल मीडियावर तुफान व्हायरल होत आहे.