परभणी : शेतकऱ्यांच्या विविध प्रश्नांवर कॉम्रेड राजन क्षीरसागर यांच्या नेतृत्वाखाली शेतकरी संघर्ष (Parbhani) समितीच्यावतीने आज (२३ ऑगस्ट) ब्राम्हणगाव फाटा येथे रास्ता रोको आंदोलन केले. शेतकऱ्यांच्या (Farmer) विविध प्रश्नांवर हे आंदोलन करण्यात आले असून आंदोलनामुळे रस्त्यावर वाहतूक खोळंबली होती. (Tajya Batmya)

जिल्हा प्रशासनास पुढील मागण्या करण्यात आल्या आहेत. परभणी जिल्ह्यात ७० टक्के पेक्षा कमी पाऊस झाला आहे. त्यामुळे जिल्ह्यात दुष्काळ जाहीर करून शेतकऱ्यांना मदत द्यावी, पीकविमा २५ टक्के अग्रीम मदत तात्काळ शेतकऱ्यांना द्या, जायकवाडीतील पाण्याचे परभणी जिल्हासाठी रोटेशन वाढवा. पीक कर्जाचे पुनगठन करून पीक कर्ज वाटप करा.  

कांदा अनुदान रक्कम कांदा उत्पादक शेतकऱ्यांना तात्काळ अदा करा, मॊजे बाभूळगाव शिवारात घनकचरा प्रकल्प उभारण्यात येऊ नये; यासह अन्य विविध मागण्यासाठी शेतकरी संघर्ष समितीच्यावतीने रास्ता रोको आंदोलन करण्यात आले. या आंदोलनात शेतकरी बांधव मोठ्या संख्येने सहभागी झाले होते. या रास्ता रोको आंदोलनामुळे गंगाखेड- परभणी रस्त्यावरील वाहतूक ठप्प झाल्याने गंगाखेड परभणी रस्त्यावर वाहनांच्या रांगा लागल्या होत्या.