परभणी : मध्यरात्रीच्‍या सुमारास घरात अचानक आग लागली. या आगीत कॉम्‍प्‍युटर, डिजिटल कॅमेरा, धान्य, कपडे तसेच रोख (Parbhani) रक्‍कम व संसारोपयोगी साहित्य जळून खाक झाले आहे. यात शेतकऱ्याचे (Farmer) २ लाखाचे नुकसान झाले आहे. पांगरा येथील तरंगल शिवार शेतात ही घटना घडली. (Tajya Batmya)

पूर्णा तालुक्यातील पांगरा येथील रहिवासी शेतकरी जळबाजी माणिकराव ढोणे यांचे तरंगल शिवारात गट क्र ५५ मध्ये शेतजमीन आहे. शेतात मातीच्या भिंती रचून तयार केलेल्या टिन पत्रे असलेल्या घरात राहतात. दरम्‍यान मंगळवारी रात्री जेवण करुन उन्हाळ्याचे दिवस असल्याने उकाडा असल्यामुळे घरात न झोपता घराशेजारी रिकाम्या जागेत कुटुंबीयासह झोपले होते. मध्यरात्रीनंतर पहाटे तीनच्या सुमारास घरातून जळाल्याचा फटफट आवाज आल्याने जाग आली. यावेळी घरातून आगीचा लोळ दिसताच त्यांनी शेजारील शेतकऱ्यांना बोलावून घराचे दार उघडून लागलेली आग (Fire) पाणी टाकून विझवली.

दोन लाखाचे नुकसान

त्यानंतर घरात पाहिले असता आतमधील कॉम्‍प्‍युटरचा संच, टिव्ही, कपडे, गहू, ज्वारी, तांदूळ, डाळी, बॅगमधे ठेवलेली दहा हजार रुपयांची रोख रक्‍कम आणि तर जिवनावश्यक वस्तू, महत्त्वाचे कागदपत्रे आगीत जळून भस्मसात झाली. या सुमारे दोन लाख रुपयाचे आर्थिक नुकसान झाले. सदरील आग ही अचानक लागून शेतक-याचे मोठे आर्थिक नुकसान झाले. दरम्यान, घटनेची माहिती पांगरा सज्जाचे तलाठी यांना दिली. घटनास्थळाची तात्काळ पाहणी करुन सबंधित वरिष्ठ अधिकाऱ्यांना दिली असून नुकसान भरपाई मिळण्याची मागणी करण्यात आली आहे.