परभणी : पालम ते लोहा राष्ट्रीय मार्गावर पेठशिवणी गावानजीक भरधाव वेगाने जाणाऱ्या कार व जीपची समोरासमोर जोरदार धडक झाली. या भीषण अपघातात तीन जण जागीच ठार झाले असून ४ जण गंभीर जखमी झाले आहेत. (parbhani-news-accident-news-Jeep-car-crash-Three-killed-on-the-spot-and-four-seriously)

पालम ते लोहा राष्‍ट्रीय महामार्गावर दुपारी चारच्‍या सुमारास हा अपघात (Accident) झाला. डॉ. बाबासाहेब आंबेडकर सहकारी सुतगिरणीच्या समोर भरधाव वेगाने जाणाऱ्या कार व जीपची समोरा समोर जोरदार धडक झाल्याने अपघात झाला. अपघातातील जखमींना पेठशिवणी येथील नागरिक व प्रवाशी यांनी धाव घेत जखमींना उपचारासाठी मदत केली.

गाड्यांचा चक्‍काचुर

पेठशिवणी नजीकच्या रस्तावर जीप (क्र. एमएच, २२, एएम ७३३३) व कार (क्र. एमएच ०४, ईटी २७३४) ही दोन्ही वाहने जात असताना वाहन चालकाचा ताबा सुटून एकमेकांना समोरासमोर धडक दिली. या अपघातात दोन्ही वाहनाचे समोरील बाजू चक्काचूर झाल्या आहेत. आतील तीन प्रवाशी जागेवरच ठार (Accident Death) झाले असून ४ ते ५ जण गंभीर जखमी झाले आहेत. नागरिकांनी धाव घेत पालम शहरातील रुग्णवाहीका पाचारण करून जखमीना नांदेड (Nanded) व पालम येथे पाठवले आहे. मयत झालेल्या प्रवाशांची नावे अद्याप समजू शकली नाहीत.