परभणी : जिंतूर शहरातील जालना रोड परिसरातील रमाबाईनगर परिसरातील एका महिलेच्या पतीने गळ्याला पट्ट्याने बांधून तिची हत्या (Crime News) केल्याची दुर्दैवी घटना आज (१३ मार्च) सकाळच्या सुमारास उघडकीस आली. यामुळे (Parbhani News) शहरात खळबळ उडाली आहे. (Breaking Marathi News)

परभणी शहरातील जालना रोडवरील रमाबाईनगर येथील रहिवाशी राजू अवचर हे मागील वास्‍तव्‍यास आहे. काही दिवसांपासून मनोरुग्ण असल्यामुळे राजू अवचर हा औरंगाबाद येथे उपचार घेत होता. घटनेचा काही दिवस अगोदर माहेरी असलेल्या पत्नीला घेऊन तो आला होता. दरम्यान तो मनोरुग्ण असल्यामुळे मयताचे नातेवाईकांनी पाठवण्यास नकार दिला होता. परंतु घरात लग्न असल्याचे सांगून पत्नीला सासरी आणले होते.

दरम्यान रविवारी (१२ मार्च) रात्री अडीचच्या सुमारास पत्नी सुनीता अवचर (वय २४) ही झोपेत असताना पतीने पत्नीच्या गळ्यात कमरेचा पट्टा बांधून पत्नीच्या हत्येचा प्रयत्न केला. या घटनेची माहिती नातेवाईकांना मिळताच (Police) पोलिसांना माहिती देण्यात आली. यावेळी घटनास्थळी धाव घेत बेशुद्ध अवस्थेत विवाहित महिलेस नातेवाईकांच्या मदतीने ग्रामीण रुग्णालयात दाखल केले. मात्र डॉ. देविदास गरड यांनी तपासून महिलेस मृत घोषित केले. मृत विवाहित महिलेस एक तीन वर्षांचा मुलगा आहे. आरोपी राजू अवचार यास पोलिसांनी ताब्यात घेतले आहे.