Crime News : परभणीतून एक धक्कादायक घटस्फोटाची घटना समोर आली आहे. परभणीच्या सेलूत पतीने पत्नीला व्हॉट्सअपच्या व्हॉईस संदेशाद्वारे सात वेळा तलाक दिला आहे. व्हॉट्सअपच्या व्हॉईस संदेशाद्वारे पत्नीला तलाक देणाऱ्या पतीविरुद्ध सेलू पोलिसात गुन्हा दाखल करण्यात आलाय. (Marathi News)

शेख फहीम शेख सलीम (वय 23) असं गुन्हा दाखल झालेल्या पतीचं नाव आहे. १६ मार्च रोजी दुपारच्या सुमारास त्याने पत्नीला फोन केला. तू माझ्या आणि माझ्या नातेवाइकांविरुद्ध सेलू पोलिस ठाण्यात गुन्हा का दाखल केला?, असा प्रश्न विचारत मी तुला घटस्फोट देतो असं बोलून त्याने कॉल कट केला.

त्यानंतर त्याने मोबाईलवर व्हॉट्सअपच्या व्हाईस संदेशाद्वारे सात वेळा घटस्फोट म्हणून संदेश पाठवला आहे. आजवर घटस्फोटाच्या (Divorce) अनेक विचित्र घटना समोर आल्या आहेत. पान, तंबाखू किंवा खर्रा खाणं हे आरोग्यासाठी अपायकारक व्यसन आहे. पण हाच खर्रा नागपुरात संसार तुटण्यासाठी कारणीभूत झालाय. काही दिवसांपूर्वी एका व्यक्तीने पत्नी तंबाखू खाते या कारणामुळे तिला घटस्फोट दिला होता.