पंढरपूर : पंढरपूरमध्ये विठुरायाचे दर्शन घेण्यासाठी भाविक मोठ्या संख्येने येत असतात. येथे येणाऱ्या भाविकांकडून सावळ्या विठुरायाच्या लाडू प्रसाद खरेदीला भाविकांकडून चांगला प्रतिसाद मिळाला आहे. येणार प्रत्येक भाविक याठिकाणी प्रसादाचा लाडू घेत आहे. यामुळे मागील वर्षभरात तब्बल ५ कोटी ८० लाख रुपयांच्या लाडू प्रसादाची विक्री झाली आहे. 

विठ्ठल- रुक्मिणीच्या दर्शनासाठी राज्यभरातून भाविक पंढरपुरात येत असतात. वर्षभर भाविकांची रीघ सुरूच असते. दरम्यान येथे येणाऱ्या भाविकांसाठी बालाजी देवस्थानच्या धर्तीवर विठ्ठल मंदिर समितीने बुंदी लाडू प्रसाद विक्री सुरु केली आहे. या लाडू प्रसाद खरेदीला उदंड असा प्रतिसाद मिळू लागला आहे. यामुळे विठ्ठल मंदिर समितीला चांगल्या प्रकारे उत्पन्न देखील मिळत आहे. 

लाडू बनविण्याची प्रक्रिया नियमित 

विठ्ठल मंदिर समितीकडून विठ्ठल रुक्मिणी दर्शनासाठी येणाऱ्या भाविकांसाठी अल्पदरात बुंदी लाडू प्रसादाची विक्री केली जाते. मागील वर्षभरात लाडू प्रसाद विक्रीतून मंदिर समितीला विक्रमी सहा कोटी रुपयांचे उत्पन्न मिळाले आहे. मंदिर समितीकडून विठ्ठलाच्या दर्शनासाठी येणाऱ्या भाविकांना पोष्टीक व चांगल्या गुणवत्तेचा लाडू प्रसाद दिला जातो. मंदिर समितीकडून लाडू प्रसादाची नियमीतपणेतयार करण्याचे काम सुरूच असते. यामुळे येथे येणाऱ्या भाविकांना हा प्रसाद उपलब्ध होऊ शकतो. 

मंदिर समितीला सहा कोटीचे उत्पन्न 

लाडू प्रसादामध्ये काजू, बदाम, बेदाणा, विलायची या ड्रायफूटचा देखील वापर केला जातो. प्रती लाडू १० रुपये प्रमाणे लाडू प्रसादाची विक्री केली जाते. मागील वर्षभरात दर्शनासाठी आलेल्या भाविकांनी सुमारे ५ लाख ८० हजार लाडू प्रसादाची खरेदी केली आहे. लाडू प्रसाद विक्रीतून मंदिर समितीला जवळपास ५ कोटी ८० लाख ४२ हजार रुपयांचे उत्पन्न मिळाले आहे.