पंढरपूर : आजपासून गणेशोत्‍सव सुरू होत आहे. या पाश्‍र्वभुमीवर फुलांची मागणी देखील वाढत असते. परंतु, गणेश आगमनाच्या दिवशीच झेंडूला दर मिळत नसल्‍याने (Pandharpur) पंढरपुरातील शेतकऱ्यांनी (Farmer) झेंडूला दर मिळत नसल्याने झेंडू बाजार समितीच्या आवारात फेकून देवून आंदोलन केले. (Pandharpur News Ganesh Festival)

सध्या गणेशोत्सव (Ganesh Festival) सुरू झाला आहे. या काळात झेंडूसह विविध फुलांना मोठी मागणी असते. या दरम्यान फुल उत्पादक शेतकऱ्यांना अधिकचे चार पैसे मिळतात. मात्र पंढरपुरात या उलट परिस्थिती निर्माण झाली आहे. गणेश आगमनाच्या दिवशीच पंढरपुरातील व्यापाऱ्यांनी झेंडूचे भाव पडले आहेत. वीस ते पंचवीस रुपये किलोने विकला जाणारा झेंडू आज पंढरपुरातील व्यापाऱ्यांनी चक्क दोन ते तीन रुपये किलोने खरेदी सुरू केली आहे.

फुले फेकून आंदोलन

व्यापाऱ्यांनी अचानक झेंडू फुलाचे दर पडल्यामुळे संतप्त झालेल्या शेतकऱ्यांनी बळीराजा शेतकरी संघटनेच्यावतीने व्यापाऱ्यांच्या विरोधात येथील बाजार समितीच्या आवारात झेंडू फेकून आंदोलन केले.