पंढरपूर : कुकडी धरणातून करमाळा तालुक्यातील मांगी तलावात पाणी सोडावे; या मागणीसाठी आज (NCP) राष्ट्रवादी काँग्रेसचे तालुका अध्यक्ष संतोष वारे यांच्या नेतृत्वाखाली शेतकऱ्यांनी (Farmer) रास्‍ता रोको आंदोलन केले. (Pandharpur News NCP)

करमाळा- नगर महामार्गावरील (Pandharpur) जातेगाव येथे रास्ता आंदोलन‌ केले. सुमारे दोन तास आंदोलन सुरू होते. आंदोलनामुळे महामार्गावरील वाहतूक ठप्प झाली होती. दोन्ही बाजूंनी दोन किलोमीटर पर्यंत वाहनांच्या रांगा लागल्या होत्या. कोळवडी (Kukadi Canal) कुकडी विभागाचे शाखा अभियंता श्री. साळुंखे यांनी ७ ऑगस्‍टपर्यंत कालव्याद्वारे पाणी सोडण्याचे आश्वासन दिल्यानंतर आंदोलन मागे घेण्यात आले.

तर सामुहिक आत्‍मदहन

आंदोलनादरम्यान शेतकऱ्यांनी कुकडीचे पाणी मिळावे अशी मागणी करत जलसंपदा विभागाच्या विरोधात घोषणाबाजी केली. आठ दिवसांत मांगी तलावात पाणी सोडावे; अन्यथा सामुदायिक आत्मदहन करू असा इशारा राष्ट्रवादीचे तालुकाध्यक्ष संतोष वारे यांनी दिला आहे.