पंढरपूर : पंढरपूर तालुक्यातील खेड भोसे ग्रामपंचायतचे (Grampanchayat) सदस्य विकास पवार यांनी पंतप्रधान नरेंद्र मोदी (Narendra Modi) यांची दिल्ली येथे भेट घेतली. या भेटी दरम्यान ग्रामीण भागातील विविध विषयांवर पंतप्रधान मोदी यांनी चर्चा केली. (Tajya Batmya)

पंतप्रधान नरेंद्र मोदी यांची भेट व्हावी; यासाठी अनेक नेते, कार्यकर्ते, पदाधिकारी नेहमीच उत्सुक असतात. अनेक वेळा पंतप्रधानांच्या व्यस्त दौऱ्यामुळे त्यांची भेट होणे अशक्य होते. व्यस्त कार्यक्रम आणि (Pandharpur) दौऱ्यातून ही पंतप्रधान मोदी यांनी विकास पवार यांना भेटीसाठी वेळ दिली. त्यानुसार सोमवारी दुपारी संसद भवनामध्ये त्यांच्यामध्ये भेट झाली. भेटी दरम्यान पंतप्रधान मोदी यांनी त्यांच्याशी ग्रामीण भागातील विविध विषयांवर चर्चा केली.

शेती कर्ज, पाणी, वीज यावर चर्चा 

काही अडचणी आल्यास थेट पंतप्रधान कार्यालयाशी संपर्क साधण्याचे ही त्यांनी सांगितले. ग्रामीण भागातील रस्ते, पाणी, वीज आणि शेती कर्ज पुरवठा या विषयी ही त्यांनी माहिती जाणून घेतल्याचे विकास पवार यांनी सांगितले. एका सर्व सामान्य ग्रामपंचायत सदस्याला पंतप्रधानांनी भेट दिल्याने सर्वत्र कौतुक होत आहे.