पंढरपूर : मराठा आरक्षणाच्या मागणीसाठी समाज एकवटला असून आक्रमक झाला आहे. तरुण, महिला आंदोलनात सक्रिय झाले असून आता मराठा (farmer) शेतकरी ही आरक्षणाच्या मागणीसाठी सरसावले आहेत. दररोज शेतात बैलांसोबत राबणारा बळीराजाने (Pandharpur) पंढरपूर ते अंतरवाली सराटी दरम्यानबैलगाडी आरक्षण यात्रा काढली. (Breaking Marathi News)

मराठा समाजाकडून आरक्षणासाठी (Maratha Aarkshan) वेगवेगळे आंदोलन उभारले आहे. साखळी उपोषण, रास्ता रोको असे आंदोलन राज्यभरात सुरु आहे. दरम्यान या आंदोलनात बळीराजा देखील उतरला असून पंढरपूर तालुक्यातील चळे गावच्या दहा शेतकऱ्यांनी चळे ते अंतरवाली सराटी अशी बैलगाडी आरक्षण यात्रा सुरू केली आहे. मनोज जरांगे पाटील यांना पाठिंबा देण्यासाठी हे शेतकरी बैलगाडीतून अंतरवाली सराटीकडे निघाले आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तोपर्यंत माघारी येणार नसल्याचा निर्धार 
दरम्यान आज सकाळी दोन बैलगाडीचे पूजन करून शेतकऱ्यांची आरक्षण यात्रा रवाना झाली. पंढरपूर येथील छत्रपती शिवाजी महाराज चौकात बैलगाडीचे जोरदार स्वागत करण्यात आले. हे सर्व शेतकरी चळे ते अंतरवाली सराटीपर्यंतचा २६० किलो मिटरचा‌ प्रवास चार ते पाच दिवसांत पूर्ण करणार आहेत. जोपर्यंत आरक्षण मिळत नाही; तोपर्यंत आम्ही माघारी येणार नाही असा निर्धार ही या शेतकऱ्यांनी व्यक्त केला आहे.