पंढरपूर : मराठा आरक्षणासाठी आंदोलन सुरु आहे. यात जरांगे पाटील यांनी राज्य सरकारला आरक्षणाच्या निर्णयासाठी (Pandharpur) एक महिना दहा दिवसांची जी मुदत दिली आहे. त्या मुदतीमध्ये मराठा समाजाला आरक्षण मिळेल का असे विचारले असता मी मुख्यमंत्री किंवा उपमुख्यमंत्री नाही; असे सांगत माजी खासदार छत्रपती संभाजीराजे (Sambhajiraje) महाराज यांनी आज एकनाथ शिंदे व अजित पवार यांच्यावर निशाणा साधला आहे. (Live Marathi News)

माजी खासदार छत्रपती संभाजीराजे महाराज हे आज पंढरपूर दौऱ्यावर आले होते. यावेळी त्यांनी मराठा आरक्षणाविषयी आपली भूमिका स्पष्ट केली. जरांगे पाटील यांनी राज्य सरकारला एक महिन्याची मुदत दिली आहे. त्यावर बोलताना छत्रपती संभाजीराजे महाराज यांनी मुख्यमंत्री एकनाथ शिंदे व उपमुख्यमंत्री अजित पवार यांना टोला लगावला आहे

स्वबळावर निवडणुका लढविणार 

केंद्रीय उद्योग मंत्री नारायण राणे यांनी मराठा समाजाला कुणबी प्रमाणपत्र देण्यास आपला विरोध असल्याचे म्हटले आहे. त्यावर छत्रपती संभाजी महाराजांनी नारायण राणे यांनी काय म्हटले आहे हे आपण ऐकले नसल्याचे सांगितले. आगामी लोकसभा निवडणुकीमध्ये स्वराज्य पक्ष माढा व सोलापूर लोकसभा मतदार संघासह राज्यातील ४८ जागांवर स्वबळावर निवडणूक लढवणार असल्याचेही त्यांनी यावेळी स्पष्ट केले.