पंढरपूर : महाराष्ट्राचे लक्ष लागून असलेल्‍या यंदाचा आषाढी पालखी सोहळा येत्या २९ जूनला साजरा होणार आहे. (Ashadhi Wari) आषाढी यात्रे दरम्यान भाविकांना विठ्ठल रुक्मिणी मंदिरात आता मोबाईल घेवून‌ जाता येणार आहे. तथापी (Pandharpur) मोबाईल वापरास मात्र बंदी कायम ठेवली आहे. (Latest Marathi News)

आषाढी यात्रा नियोजनासंदर्भात मंदिर समितीचे सहअध्यक्ष गहिनीनाथ महाराज औसेकर यांच्या अध्यक्षतेखाली समितीची बैठक पार पडली. या बैठकीत आषाढी यात्रा काळात भाविकांना विठ्ठल रुक्मिणी मंदिरात भाविकांना मोबाईल घेवून‌ जाण्यास परवानगी देण्याचा निर्णय घेतला आहे.

मागील अनेक वर्षांपासून भाविकांना‌ विठ्ठल रूक्मिणी मंदिरात (Vitthal Rukhmini Temple) मोबाईल घेवून जाण्यास बंदी होता. यात्रा काळात मोठी गर्दी असते. अशा‌वेळी संपर्काचे प्रमुख साधन असलेला मोबाईल ठेवण्यासास भाविकांना अडचण येते. भाविकांची ही अडचण लक्षात घेऊन मंदिर समितीने आषाढी यात्रा काळापुरती मोबाईलवरील बंदी मागे घेतली आहे. मंदिर समितीने घेतलेल्या निर्णयाचे भाविकांनी स्वागत केले आहे.