पालघर : दोन दिवसांपासून शोध सुरु असलेल्या एका तरुणींचा मृतदेह पश्चिम (Railway) रेल्वेच्या वैतरणा पुलाखाली (Palghar) आढळला आहे. ही घटना रविवारी सकाळी घडली आहे. यामुळे परिसरात खळबळ उडाली आहे. (Maharashtra News)

मागील दोन दिवसांपासून घरातून गायब असलेल्या तरुणीचा दोन दिवसांपूर्वी घरच्यांनी शोध घेतला होता. मात्र ती तरुणी मिळून आली नव्हती. दरम्यान रविवारी सकाळी रेल्वेच्या वैतरना पुलाखाली मुलीचा मृतदेह आढळला. पूजा रत्नाकर दुबे असे तरुणीचे नाव असून ती नालासोपारा येथील राहणारी आहे. केळवे सागरी पोलीस ठाण्यात मृत्यूची नोंद करण्यात आली आहे.  

आत्महत्या कि घातपात ?

अधिक तपास केळवे पोलीस करीत आहेत. पंचनामा करून मृतदेह नातेवाईकांच्या ताब्यात देण्यात आला. मात्र सदर तरुणीने आत्महत्या कोणत्या कारणाने केली हे समजू शकले नाही.