रुपेश पाटील, पालघर

Palghar Crime News: पालघर जिल्ह्यातून एक धक्कादायक बातमी समोर आली आहे. पालघरच्या (Palghar) डहाणू रेल्वे स्थानकाजवळ भर गर्दीत हातात पट्टा आणि सुरा घेऊन फिरणाऱ्या एका माथेफिरूने गोंधळ घातला. विशेष म्हणजे त्याने पोलिसांवरही जीवघेणा हल्ला करण्याचा प्रयत्न केला. या संपूर्ण थरारक घटनेचा व्हिडिओ समोर आला आहे. (Palghar Latest News)

काल, रविवारी दुपारच्या सुमारास डहाणू रेल्वे स्थानकाजवळ भर गर्दीत एक माथेफिरू हातात सुरा आणि पट्टा घेऊन दहशत (Crime) पसरवण्याचा प्रयत्न करत होता. या माथेफिरूच्या भीतीमुळे रेल्वे स्थानकाकडे जाणाऱ्या काही बाईकस्वारांचे अपघातही झाले.

पाहा व्हिडिओ -

यानंतर डहाणू पोलीस (Dahanu Police) घटनास्थळी दाखल झाले. यावेळी या माथेफिरूला पकडण्याचा प्रयत्न करताना या माथेफिरूने पोलिसांवरही हल्ला चढवला. मोठ्या झटापटीनंतर या माथेफिरूला डहाणू पोलिसांनी ताब्यात घेतलं आहे.

Edited By - Akshay Baisane