सोलापूर - फटाके उडवण्याच्या कारणावरून सोलापुरातील (Solapur Murder Case) विजापूर नाका, बेघर वसाहत येथे एक जणाचा खून झाल्याची घटना घडली आहे. नुरानी मस्जिद जवळ प्लॉट नंबर 50, बेघर वसाहत विजापूर नाका येथील रहिवासी महबूब नबीलाल करणकोट यांचा अज्ञातांकडून खून करण्यात आला आहे.

काल रात्री ही घटना घडली असून महबूब करणकोट यांनी पाळलेला घोडा फटाक्याने घाबरत असल्याने त्यांनी परिसरातील काही लोकांना फटाके उडवण्यास मज्जाव केला होता. त्यातून संबंधित आरोपींनी महबूब करणकोट यांच्या घरासमोर फटाके उडवले, यातून झालेल्या वादावादीतून हा खून झाल्याची प्राथमिक माहिती समोर येत आहे. आरोपी फरार असून अज्ञात आरोपीविरोधात विजापूर नाका पोलीस ठाण्यात गुन्हा दाखल करण्याची प्रक्रिया सध्या सुरु आहे.

Edited By: Pravin Dhamale