पणजी : गोव्यातल्या बांबोळीतील महामार्गावर झालेल्या अपघातात एक ठार तर दाेन जण जखमी झाले आहेत. हा अपघात आज (गुरुवार) सकाळी झाला असून ट्रकने रुग्णवाहिकेस धडक दिल्याने रुग्णवाहिकेतील नागरिकाचा मृत्यू झाल्याची प्राथमिक माहिती उपलब्ध झाली आहे. one-died-two-injured-in-road-accident-on-bamboli-highway-goa-marathi-news-sml80

या महामार्गावरुन रुग्णवाहिका रुग्णालयाकडे जाताना समोरून ट्रक आला आणि रुग्णवाहिकेस वाट देण्याऐवजी धडक दिली. या रुग्णवाहिकेमधील प्रकाश नाईक (वय ५३) यांचा अपघातात मृत्यू झाला. श्री. नाईक यांना ह्रदयविकाराचा झटका आला हाेता. त्यांच्यावर उपचार करण्यासाठी त्यांना रुग्णवाहिकेतून गोमेकॉ रुग्णालयात नेण्यात येत होते.

या अपघातात विकास तळेकर आणि रवी नाईक हे जखमी झाले आहेत. त्यांना उपचारार्थ दाखल करण्यात आले आहे. या अपघातात रुग्णवाहिकेच्या पुढच्या भागाचा चक्काचूर झाला आहे. दरम्यान ट्रक चालकास पाेलिसांनी ताब्यात घेऊन त्याच्यावर गुन्हा दाखल केला आहे.

edited by : siddharth latkar