omprakash rajenimbalkar news : याेग दिना निमित्त खासदार ओमप्रकाश राजेनिंबाळकर (Omprakash Rajenimbalkar) यांनी याेग करतानाचा व्हिडिओ ट्विट केला आहे. त्यावर नेटीझन्स रामदेव बाबा यांना पण इतके योगाच्या स्टेप येत नसतील तितके योगा स्टेप खासदार साहेबांना येतात, मस्त साहेब, जबरदस्त साहेब अशा प्रतिक्रिया व्यक्त करु लागले आहेत. (Maharashtra News)

जागतिक योग दिनानिमित्त देश-विदेशात आज (बुधवार) विविध कार्यक्रमांचे आयोजन करण्यात आले आहे. राज्यातील विविध जिल्हा क्रीडा संकूलात देखील लाेकप्रतिनिधींच्या उपस्थितीत योगा प्रात्यक्षिकांचे आयोजन करण्यात आले आहे.

खासदार ओमप्रकाश राजेनिंबाळकर (Omprakash Rajenimbalkar) यांनी याेगा करतानाचा व्हिडिओ ट्विट (tweet) केला आहे. या व्हिडिओमध्ये राजेनिंबाळकर हे विविध आसन करीत आहेत. त्यांची आसनं पाहून नेटीझन्सच्या प्रतिक्रियांचा तुफान पाऊस पडत आहे.

काही नेटीझन्सनी तर त्यांना रामदेव बाबा पेक्षा भारी असं म्हटलं आहे. काहींनी फोटोसाठी केलेला एव्हेंट आणि रोजची प्रॅक्टिस यामध्ये फरक असतो.. ओमराजे असे म्हटलं आहे. खासदार फिट तर मतदारसंघ नीट..., खासदार फिट तरच जनता हिट असे म्हटलं आहे.

Edited By : Siddharth Latkar