जालना : ओबीसी आरक्षणाच्या अनुषंगाने चर्चा करण्यासाठी आज मुख्यमंत्र्यांनी सर्वपक्षीय नेत्यांची बैठक बोलावली आहे. ही बैठक अत्यंत महत्वाची ठरणार असून मुख्यमंत्री जर ओबीसींना ५० टक्के आरक्षण देत असतील तर ते उपकार करत नसून सत्य परिस्थिती मान्य करतायत असं म्हणता येईल, याबद्दल मी मुख्यमंत्र्यांचे आभार मानतो अशी प्रतिक्रिया राज्याचे माजी पाणीपुरवठा मंत्री लक्ष्मणराव ढोबळे यांनी दिली आहे.

हे देखील पाहा -

ढोबळे आज बहुजन रयत परिषदेच्या नवनिर्धार संवाद अभियानाच्या निमित्ताने जालन्यात आले होते. त्यानंतर त्यांनी प्रसारमाध्यमांशी संवाद साधला. केंद्राने ओबीसींचा डाटा राज्य सरकारला दिला आणि त्यानंतर ओबीसींची सर्वात मोठी आकडेवारी समोर आली तर घराण्याच्या सातबाऱ्यात खाडाखोड होण्याची शक्यता नाकारता येत नाही. अशी शक्यता देखील त्यांनी बोलून दाखवली.

Edited By : Krushnarav Sathe