रणजीत माजगावकर

Kolhapur News:

कोल्हापूरमध्ये निर्भया पथक अॅक्शन मोडवर आलं आहे. निर्भया पथकाकडून करण्यात आलेल्या छापेमारीत एकूण सहा जोडपी नको त्या अवस्थेत आढळलीत. सदर घटनेमुळे कोल्हापूर शहरात एकच खळबळ उडालीये. पोलिसांनी या सर्व जोडप्यांना ताब्यात घेतलं आहे. (Latest Marathi News)

पोलिसांनी दिलेल्या माहितीनुसार, टाकळा चौकातील टोकियो कॅसल कॅफेवर आज निर्भया पथकाने छापेमारी केली. या कॅफेमध्ये तरुण मुलं-मुली अश्लील चाळे करत असल्याची माहिती पोलिसांना मिळाली होती. मिळालेल्या माहितीनुसार छापेमारीत धक्कादायक वास्तव समोर आले.

कॅफेमध्ये भलतीच व्यवस्था

निर्भया पथकाच्या छापेमारीत कॅफेमध्ये पाठच्या बाजूलाला काही अंधाऱ्या खोल्या असल्याचे समोर आले. यातील काही खोल्यांमध्ये बेड देखील होते. निर्भया पथकाच्या कारवाईनंतर कॅफे मालकांचे धाबे दणाणले आहेत.

पोलिसांनी सहा जोडप्यांना ताब्यात घेतलं असून त्यांचे समुपदेशन केले जाणार आहे. महिलांच्या सुरक्षिततेसाठी निर्भया पथक सुरू करण्यात आलं आहे. महिलांवरील अन्याय अत्याचार अशा गोष्टींना यामुळे चाप बसवला जातोय. महिलांसंदर्भात मदतीसाठी असलेला हेल्पलाईन, संपर्क क्रमांक १०३ आहे. महिलांना असुरक्षित वाटत असल्यास या क्रमांकावर संपर्क साधावा.