मुंबई : नवाब मलिकांची Navab Malik अवस्था पिसाळल्यासारखी असून ते काय बोलतात त्याला अर्थ नसतो. त्यांची वक्तव्य महाराष्ट्राच्या हिताची नाहीत. जावयाला वाचवण्यासाठी, जावयाच्या प्रेमापोटी त्यांची ही वक्तव्य सुरु असल्याची टीका भाजप नेते निलेश राणे Nilesh Rane यांनी एका माध्यम प्रतिनिधीशी बोलताना केली.

हे देखील पहा -

मागच्या काही दिवसापासून जे काय चाललं आहे ते का आणि त्यांना काय करायचं होतं मला अजून पर्यंत माझ्या लक्षात आलेले नाही. मात्र हे सर्व जे मलिक करत आहेत ते फक्त जावयाला वाचवण्यासाठी जावयाच्या प्रेमापोटी हे सगळं करत असून आणि आता ते काय बोलतायत, काय करतायत, कोणाचे फोटो दाखवतायात त्यांना देखील माहीत नाही. त्यांची अवस्था पिसाळलेल्या सारखी झाली आहे. आणि म्हणून रोज एक नवीन आरोप ते करतात त्या आरोपांमध्ये काही दम नसल्याचही राणे म्हणाले.

तसेच एका अधिकाऱ्याची मलिकांना हकालपट्टी करायची आहे. मात्र ती होत नाहीये त्यामुळे रोज आरोपांची मालिका सुरु आहे. आपल्या जावयाला अटक केल्याचा वचपा अधिकाऱ्यावर काढायचा आहे. तुमचा न्यायव्यवस्थेवर विश्वास नाही का? असा प्रश्न देखील निलेश राणेंनी मलिकांना विचारला आहे.

Edited By - Jagdish Patil