सांगली : विदेशातुन सांगली मिरज आणि कुपवाड शहर महानगरपालिका क्षेत्रात आलेल्या सर्व प्रवाशांचा अहवाल निगेटिव्ह आला आहे. आत्तापर्यंत महापालिकेला प्राप्त 156 प्रवाशांची महापालिकेच्या आरोग्य पथकाकडून ट्रेसिंग करण्यात आली आहे, तर 76 लोकांचा संपर्क होत नसल्याने प्रशासनाची चिता वाढली आहे. महापालिका प्रशासनाला आतापर्यंत 156 विदेशी प्रवाशांची यादी पाठवण्यात आली होती. यादी प्राप्त होताच मनपाकडून सर्वाना संपर्क साधण्यात आला होता.

या 156 मध्ये मनपाक्षेत्रात एकूण 37 प्रवाशी आढळले आहेत, तर 156 पैकी 43 प्रवासी परत गेले आहेत. आणि 76 लोकांचा संपर्क होत नाही. 37 लोकांची RT-PCR करण्यात आली आहे. यापैकी 29 व्यक्ती निगेटिव्ह आले असून नवीन यादीमधील 11 प्रवाशांचे रिपोर्ट अद्याप पेंडिंग आहेत. पहिल्यांदा आलेल्या जुन्या 99 प्रवासी यादीमधील सर्व प्रवासी आणि नजीकच्या संपर्कातील व्यक्तींचे रिपोर्ट निगेटिव्ह आले आहेत, अशी माहिती नोडल ऑफिसर डॉ. वैभव पाटील यांनी दिली.

Edited By: Pravin Dhamale