जालना : पुणे जिल्हयातील पुरंदर तालुक्यात झिका व्हायरसचा रुग्ण आढळून आला आहे. याबाबत काळजी करण्याची गरज नाही. या आजाराच्या रुग्णामध्ये जी लक्षणे आढळून आली आहेत, त्यानुसार संबंधित रुग्णावर उपचार केले जात आहेत. पुरंदर तालुक्यात साठलेल्या गोड पाण्यावर एडिस डासांची उत्पत्ती होऊ नये म्हणून आवश्यक पाऊले उचलून सर्वेक्षण करण्याचे आदेश आरोग्य विभागाला देण्यात आल्याची माहिती देखील टोपे यांनी दिली आहे.

हे देखील पहा -

राज्यात निर्बंध हटवण्यासंदर्भात संपूर्ण गृहपाठ झाला असून टास्क फोर्स सह सर्वांची मते आलेली आहेत. याबाबत मुख्यमंत्री लवकरात लवकर निर्णय घेणार असल्याचे देखील टोपे म्हणाले. राज्यातील कोरोना बाधितांची संख्या वाढीचा वेग कमी झाला असून दीड महिन्यांपासून राज्यात ५ ते ७ हजाराच्या दरम्यान कोरोनाबाधितांचा आकडा समोर येत आहे.

ही संख्या कमी करण्यासाठी कोरोना लसीकरण करण्याला नागरिकांनी प्राधान्य द्यावे असे आवाहन देखील त्यांनी केले. राज्यात सध्या साथीचे आजार पसरत असून आरोग्य विभाग याबाबत योग्य ती दक्षता घेत असल्याचे त्यांनी स्पष्ट केले.

Edited By : Krushnarav Sathe