बीड - राष्ट्रवादीचे माजी आमदार प्राध्यापक सुनील धांडे यांच्या मुलाचा शाही विवाह मोठ्या थाटात पार पडला आहे. विवाह प्रसंगाला प्रचंड गर्दी असल्याचे दिसून आले. व्यासपीठावर पुढारी, प्रशासकीय अधिकारी आणि पत्रकार मोठ्या दिमतीत बसले होते. मात्र एकाही व्यक्तीने मास्क लावला नव्हता. कोरोनाची तिसरी लाट उंबरठ्यावर असताना बीडमध्ये नागरिकांचा हलगर्जीपणा पुन्हा एकदा चव्हाट्यावर आला आहे.

हे देखील पहा -

कोरोना काळात बीड जिल्ह्यातील धांडे यांचा सर्वात मोठा शाही विवाह ठरला आहे. हा शाही विवाह 1 डिसेंबर रोजीचा आहे. मात्र याचा व्हिडीओ सध्या व्हायरल होत आहे. दरम्यान या विवाह सोहळ्यानिमित्त दिवसा पेंडॉल लावून लसीकरण केलं गेलं. तर रात्री शाही विवाह सोहळा पार पाडला. त्यामुळं राजकीय पुढाऱ्यांना कोरोना काळात निर्बंध नाहीत का ? असा सवाल सोशल माध्यमातून उपस्थित केला जात आहे.

Edited By - Shivani Tichkule