नंदुरबार : ३९ वर्षांची परंपरा असलेल्या प्रथम मानाचा आणि नवसाच्या श्री दादा गणपतीची यंदा शासनाच्या निर्बंधांमुळे मिरवणूक न काढता साध्या पद्धतीने निरोप देण्यात आला आहे. मागील ९८ वर्षापासून श्री दादा गणपतीची रथात बसवून, भक्तांद्वारे रथ खेचून विसर्जनाची परंपरा आहे. सुरूवातीला ही परंपरा पायी चालून त्यानंतर सायकलवर आणि लाॅरीद्वारे केली जात होती.

हे देखील पहा-

गेल्या ९८ वर्षापासून रथातून श्री दादा गणपतीची विसर्जनाची परंपरा आहे. अनंत चतुर्थी निमित्त विधिवत पूजा अर्चनासह श्री दादा गणपती रथावर विराजमान करून बाप्पाला शहरातील सोनी विहिर या ठिकाणी विसर्जन करण्यात आले आहे. श्री दादा गणपतीच्या अखेरच्या दर्शनासाठी भाविकांनी मोठ्या प्रमाणावर गर्दी केली होती. पोलिस प्रशासनाच्या वतीने मोठा बंदोबस्त लावण्यात आला आहे. श्री दादा गणपतीच्या विसर्जनानंतर शहरातील श्रीमंत बाबा गणपतीची विसर्जनाला सुरवात झाली आहे.

Edited By- Digambar Jadhav