सिद्धेश म्‍हात्रे

नवी मुंबई : कोरोना काळात 2020 साली झालेल्या ऑनलाईन एलएलबीच्या परीक्षेत दुसऱ्यामार्फत परीक्षा (Exam) देऊन पास झालेल्या आई विरोधात मुलीनेच तक्रार दाखल केली आहे. अर्थात मुलीनेच आईच्या खोट्या (Fraud) एलएलबी पदवीचा भांडाफोड केल्याचे प्रकरण समोर आले आहे. (Maharashtra News)

मुंबईतील (Mumbai) एका पोलीस निरीक्षकासोबत आईचे विवाहबाह्य संबंध असल्याने त्याच्या मदतीने एका वकिलाचा वापर केला. मोबाईल कॅमेरा बंद ठेऊन वकिलामार्फत काही पेपर सोडवले. तर काही पेपर नेरुळ येथे मोबाईलद्वारे देण्यात आले. सदर बाब पेश्याने (Doctor) डॉक्टर असलेल्या महिलेला खटकत होती.

अखेर मुलीकडून तक्रार दाखल

अखेर मुलीने आपल्या आई विरोधात फसवणूक करून एलएलबी डिग्री मिळवल्याची तक्रार दाखल केली. याप्रकरणी आरोपी आई विरोधात नेरुळ पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.