मावळ - फिल्म अभिनेता खासदार अमोल कोल्हे यांच्या भूमिकेतून साकारलेला नथुराम गोडसे चित्रपट प्रदर्शित होण्यापूर्वीच वादात अडकला आहे. वास्तविक पाहता हा चित्रपट ऑनलाइन प्रदर्शित होणार आहे. आता या चित्रपटाला लोणावळा शहरात विरोध होतानाच चित्रं दिसून आलं आहे. महात्मा गांधी यांची हत्या करणार्‍या नथुराम गोडसे (Nathuram Godse) यांच्यावर चित्रपट तयार केला असला तरी तो लोणावळ्यात (Lonavala) प्रसिद्ध करू देणार नसल्याचा इशारा लोणावळा शहर काँग्रेसने दिला आहे.

हे देखील पहा -

महात्मा गांधी यांच्या पुण्यतिथीनिमित्त लोणावळा शहर काँग्रेसच्या वतीने आज महात्मा गांधी यांच्या पुतळ्याचे पुजन करण्यात आले. महाराष्ट्र प्रदेश काँग्रेसचे सरचिटणीस निखिल कविश्वर यांनी हा सदरचा इशारा दिला आहे. गोडसे सारख्या प्रवृत्तीचे उदात्तिकरण करण्याचे काम चित्रपटाच्या निमित्ताने केले जात आहे. मात्र काँग्रेस ते होऊ देणार नाही असं ठणकावून सांगण्यात आलं.