अजय सोनवणे (साम टीव्ही)

नाशिक : नाशिकच्या येवल्यात एक अत्यंत दु:खद घटना समोर आली आहे. पैठणी कारागीर असलेले मुकुंद पांडुरंग सदावर्ते यांचं काही अल्पशा आजाराने सकाळीच निधन झाले होते. या निधनाची माहिती त्यांची आई रुक्मिणी सदावर्ते यांना कळताच त्यांनी मुलाचा मृतदेह पाहिला आणि या धक्क्याने त्यांचेही निधन झाले. एकाच दिवशी माय-लेकाचे निधन झाल्याने परिसरात शोककळा पसरली असून दोघांचीही अंत्ययात्रा सोबत काढण्याची वेळ नातेवाईकांवर आली होती. याप्रसंगी येवला अमरधाम येथे दोघांनाही एकाचवेळी अग्नी डाग देण्यात आला आहे.