अभिजीत सोनवणे

Nashik News:

नाशिककरांसमोर पाणीटंचाईचं मोठं संकट उभं राहिलं आहे. पाणीटंचाईने यंदा पहिल्यांदाच ७ तालुक्यांत डिसेंबरमध्ये ११६ टँकरने पाणीपुरवठा करण्यात आलाय. नाशकात यंदा मुबलक पाऊस न बरसल्याने नागरिकांना हिवाळ्यामध्येचं पाण्यासाठी टँकर मागवावे लागत आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नाशिकमधील ७ तालुक्यांत तब्बल १२० टँकरने पाणीपुरवठा करण्यात आलाय. येवला तालुक्यामध्ये एकूण ४५ गावं आहेत. तर १५ वाड्या आहेत. येथे डिसेंबर महिन्यात २३ टँकरने पाणीपुरवठा करण्यात आलाय. नंदगावमध्ये एकूण ३७ गावं आहेत. तर १६२ वाड्या आहेत. येथे डिसेंबर महिन्यात ३५ टँकरने (Tanker) पाणीपुरवठा करण्यात आलाय. बागलाण तालुक्यात एकूण १७ गावं आहेत. तर ०५ वाड्या आहेत. येथे डिसेंबर महिन्यात १५ टँकरने पाणीपुरवठा करण्यात आलाय.

चांदवडमध्ये ९ गावांत १९ वाड्या आहेत. या वाड्यांमध्ये १५ टँकरने पाणीपुरवठा करण्यात आलाय. देवळा येथे ६ गावांत २९ वाड्या आहेत. येथे ८ टँकर मागवण्यात आलेत. मालेगाव तालुक्यात १४ गावं आहेत. त्यात १३ वाड्यांमध्ये १५ टँकरने पाणीपुरवठा करण्यात आलाय. तर सिन्नर तालुक्यात ३ गावांमध्ये ६ वाड्या आहेत. या सहा वाड्यांना ९ टँकरने पाणीपुरवठा करण्यात आलाय.

नाशिक शहरामध्ये देखील पुढील महिन्यात पाणीटंचाई भासू शकते. पाणीकपात करण्याबाबत जलसंपदा विभागाने काही दिवसांपूर्वीच नाशिक महापालिकेला एक पत्र लिहिलं आहे. नाशिक (Nashik) महापालिकेने गंगापूर धरणात चर खोदला नाही तर २० टक्के पाणीकपात होणार आहे, असं जलसंपदा विभागाने महापालिकेला दिलेल्या पत्रात म्हटलं आहे. शानिक शहरामध्ये यामुळे तब्बल २० टक्के पाणी कपात केली जाईल असंही या पत्रात म्हटलं आहे.