तबरेज शेख 
नाशिक : नवरात्र असल्याने जिकडे तिकडे गरबा- दांडिया खेळण्याचे आयोजन करण्यात आले आहे. दरम्यान दांडिया खेळण्यावरून एका तरुणाला टोळक्याने बेदम मारहाण केल्याची घटना नाशिकच्या सातपूर परिसरात घडली. टोळक्याकडून झालेल्या मारहाणीत तरुणाची प्रकृती गंभीर असून त्याला खासगी रुग्णालयात उपचारासाठी दाखल करण्यात आले आहे.  

नाशिकच्या (Nashik) सातपूर परिसरात असलेल्या श्रमिक नगर परिसरात श्रमिक नगर मित्र मंडळाच्या दांडिया महोत्सवाचे आयोजन केले आहे. दरम्यान याठिकाणी आठ ते दहा जणांच्या टोळक्याने एका तरुणाला बेदम मारहाण केली. अक्षय शाहू असं मारहाण झालेल्या तरुणाचे नाव आहे. या तरुणावर खाजगी रुग्णालयात उपचार सुरू असून त्याची प्रकृती गंभीर असल्याचे सांगितले जत आहे. 

पोलिसात गुन्हा दाखल 

ज्या ठिकाणी एका तरुणाला सात ते आठ जणांच्या टोक्यांनी कोयता आणि दांडुक्यानी मारहाण केली होती. त्याच परिसरात अशी घटना घडल्यामुळे परिसरात भीतीचे वातावरण आहे. मारहाणीची घटना सीसीटीव्ही मध्ये कैद झाली आहे. याबाबत सातपूर (Police) पोलीस ठाण्यात गुन्हा दाखल झाला असून पुढील तपास पोलीस करत आहे. मारहाण कशामुळे झाली याचे नेमके कारण समजलं नसून किरकोळ कारणावरून मारहाण झाल्याची चर्चा सध्या परिसरात सुरू आहे.