अजय सोनवणे 

मनमाड (नाशिक) : यंदाच्या पावसाळ्यात अपेक्षित पाऊस झाला नाही. यामुळे धरण देखील भरले नाहीत. परिणामी पाण्याची समस्या जाणवत आहे. अशाच प्रकारे (Nashik) नाशिक जिल्ह्यातील बहुतांश धरणात पाणीसाठा मुबलक नाही. असे असताना देखील नाग्या- शक्य धरणातून मोटारी लावून पाणी चोरी केले जात असल्याचे समोर आले आहे.  (Latest Marathi News)

नाशिक जिल्ह्यातील पुर्व भागात यंदा अत्यल्प पाऊस झाला आहे. यामुळे (Nandgaon) नांदगाव तालुक्यातील धरणांमध्ये पाणीसाठा होऊ शकला नाही. त्यातही लघू प्रकल्प असलेल्या नाग्या-साक्या धरणाचा पाणी साठा शून्य असतांना डेड वॉटरमधून दुष्काळग्रस्त गाव, वाड्यांना तेथून टँकरने पाणी पुरवठा केला जात आहे. शिवाय या परिसरातील अनेक शेतकरी (Farmer) धरणात मोटारी टाकून आपल्या शेतात पाणी घेऊन जात असतात. मात्र यंदा धरणात पाणीच साचलेले नाही. त्यामुळे धरणात मोटरी टाकून शिल्लक पाणी साठा वापरत असून उघडपणे पाणी चोरी होत आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या प्रकाराकडे मात्र ना विज मंडळाचे लक्ष ना प्रशासनाचे लक्ष असून जेथून पिण्याचे टँकर भरले जातात. तोच साठा संपुष्ठात आला तर उन्हाळ्यात नेमके गावांना, वाड्यांना पाणी कुठून पुरवायचे? असा प्रश्न निर्माण होणार असल्याने प्रशासनाने तातडीने पाण्याची होणारी चोरी रोखावी अशी मागणी होत आहे.