तबरेज शेख 
नाशिक : भगवान श्रीकृष्ण मंदिरात जाऊन दर्शन घेतले. यानंतर संधी मिळताच कृष्ण मूर्तीचा चांदीचा मुकुट चोरून नेला. हि घटना (Nashik) नाशिकच्या पंचवटी परिसरातील पंचमुखी हनुमान मंदिरात पाच दिवसांपूर्वी घडली होती. (Tajya Batmya)

नाशिकच्या पंचवटी परिसरातील हनुमान मंदिरात कृष्ण मंदिर गाभाऱ्यात चांदीचा मुकुट चोरी झाल्याची घटना पाच दिवसांपूर्वी घडली होती. मंदिरातील मुकुट चोरणारा संशयिताच्या हालचाली या सीसीटीव्ही मध्ये कैद झाल्या होत्या. मिळालेल्या सीसीटीव्ही फुटेच्या आधारावर पंचवटी पोलिसांनी (Police) संशयताचा शोध घेत चोरट्याला लागलीच अटक केली आहे. 

चांदीचा मुकुट चोरी करणारा संशयित हा गणेशवाडी येथे येणार असल्याची माहिती पोलिसांना गुप्त बातमीदार मार्फत मिळाली होती. यानुसार पंचवटी पोलिसांनी सापळा रचत संशयित किरण गांगुर्डे याला शिताफीने ताब्यात घेतले. ताब्यात घेतल्यानंतर अंग झडती घेतले असता त्याच्याकडे सदरचा चांदीचा मुकुट मिळून आल्याने पोलिसांनी अटक केली असून संशयताची चौकशी सुरू आहे.