Summary -

• नाशिकमध्ये म्हाडा घोटाळा प्रकरणात मोठी कारवाई

• नायब तहसीलदार नितीन पाटील यांना अटक

• नाशिक पोलिसांच्या क्राईम ब्रांचने केली कारवाई

• जमीन नोंदीत फेरफार केल्याचा आरोप

अभिजीत सोनावणे, नाशिक

म्हाडा भूखंड घोटाळा प्रकरणात नाशिक पोलिसांनी मोठी कारवाई केली. नायब तहसीलदार प्रशासन नितीन पाटील यांना क्राइम ब्रांचने अटक केली. नाशिकच्या गंगापूर रोड येथील निवासस्थानातून त्यांना अटक करण्यात आली. ४९ पैकी ३१ प्रकरणांमध्ये बनावट कागदपत्रात त्यांनी फेरफार नोंदी केल्याचे तपासातून निष्पन्न झाले होते.

नायब तहसीलदार प्रशासन म्हणून नाशिक जिल्हाधिकारी कार्यालयात कार्यरत आहेत. नितीन पाटील यांना अटक केल्यानंतर त्यांना कोर्टात हजर करण्यात आले. कोर्टाने त्यांना तीन दिवसांची पोलिस कोठडी सुनावली. नाशिकमधील चर्चेत असलेल्या म्हाडा भूखंड घोटाळ्यातील आतापर्यंतची ही सगळ्यात मोठी कारवाई असल्याचे सांगितले जात आहे. नायब तहसीलदाराला अटक झाल्यामुळे नाशिकमध्ये चर्चा होत आहे.