Nashik Fire Audit : नाशिक महानगर पालिकेच्या हद्दीत असलेल्या शासकीय आणि निमशासकीय कार्यालय आणि इतर खाजगी आस्थापनात अद्यापही फायर ऑडिट न झाल्याची धक्कादायक माहिती समोर आली आहे.

नाशिक (Nashik) महानगर पालिकेच्या अग्निशमन विभागाने अनेकदा नोटीस पाठवूनही फायर ऑडिट केले जात नसल्याची बाब पालिका प्रशासनाच्या निदर्शनास आली आहे. त्यामुळे नाशिक नाशिक शहरातील फायर ऑडिट (Fire Audit) नसणाऱ्या इमारती सील केल्या जाणार आहेत. त्याआधी 15 फेब्रुवारीपर्यंत फायर ऑडिटचा अहवाल सादर करण्याचा अल्टिमेटम महापालिकेकडून देण्यात आला आहे.

शहरातील शासकीय, निम शासकीय कार्यालये, हॉटेल्स, रुग्णालये, शैक्षणिक, सार्वजनिक, व्यावसायिक, औद्योगिक इमारती आणि १५ मीटरपेक्षा उंच रहिवाशी इमारतींना फायर ऑडिट करून उपाययोजनांचा दाखल सादर करण्याचं अल्टिमेटम देण्यात आलं आहे.

अहवाल सादर न करणाऱ्या इमारतींचा पाणीपुरवठा आणि वीजपुरवठा खंडित केला जाणार असून पोलिसांच्या (Police) मदतीने इमारती सील करण्याचा इशारा देण्यात आलाआहे. त्या व्यतिरिक्त भविष्यात दुर्घटना घडल्यास दखलपात्र व अदखलपात्र अपराध म्हणून नोंद देखील केली जाईल, अशी माहिती समोर आली आहे.

वर्षत दोनवेळा फायर ऑडिट करण्याचा नियम आहे. त्यासाठी नाशिक महानगर पालिकेच्या वतिने नोटिसा दिल्या जातात, मात्र फायर ऑडिट केले जात नसल्याने पालिकेच्या अग्निशमन विभागाने आक्रमक भूमिका घेतली आहे.