तबरेज शेख

नाशिक : पंक्‍चर दुकानावर गेल्‍यानंतर गाडीच्‍या चाकात लवकर हवा भरून न दिली नाही. यामुळे मद्यपी (Nashik) तरूणांनी दुकानदारास मारहाण करत जीवे मारल्‍याचा प्रकार समोर आला होता. याबाबत नाशिक आडगाव पोलीस (Police) ठाणे हद्दीत पंक्‍चर दुकानदाराचा खून करणाऱ्या संशयित आरोपींना गुन्हे शाखा १ च्या पथकाने १२ तासाच्या आत अटक केली. (Maharashtra News)

नाशिकच्या औरंगाबाद रोड तपोवन जेजुरकर लॉन्सजवळ असलेल्या पंचर दुकानावर मद्यपी युवक शनिवार (२९ एप्रिल) आले. त्यांनी पंचर दुकानदारास गाडीत हवा भरण्यास सांगितले. त्यानंतर हवा भरण्यास वेळ लागल्याने या मद्यपी ३-४ युवक आणि पंचर दुकानदार यांच्यात वाद होऊन वादाचे पर्यावसन (Crime News) हाणामारीत झाले. मद्यपी युवकांनी पंक्‍चर दुकानदार गुलाम रब्बानी मोहमद याला बेदम मारहाण केली. एकाने त्याच्यावर चॉपरने वार केला. या हल्ल्यात पंक्‍चर दुकानदार गुलाम रब्बानी मोहमद हा ठार झाला. त्यानंतर हल्लेखोर तेथून पळून गेले होते.

सीसीटीव्‍हीच्‍या आधारे शोध

पोलिसांनी घटनास्थळी पोहोचुन आजूबाजूच्या सीसीटीव्‍हीच्या आधारे संशयित हल्लेखोरांना मोठ्या शिताफीने बारा तासांच्या आत ताब्यात घेतले आहे. द्वारका येथे राहणार यश कैलास पवार, औरंगाबाद रोड येथे राहणारा प्रसाद रामनाथ पवार आणि एक अल्पवयीन बालक असे ताब्यात घेतलेल्या तिघांची नाव आहेत. त्यांची अधिक चौकशी केली असता त्यांनी हा खून केल्याचे कबुल केले आहे. याबाबत आडगाव पोलीस ठाण्यात खुनाचा गुन्हा दाखल करण्यात आला असून आडगाव पोलीस अधीक तपास करत आहे.